ಈ ಬ್ಲಾಗ್ ಅನ್ನು ಹುಡುಕಿ

🔔 ಸೂಚನೆ
ಲೋಡ್ ಆಗುತ್ತಿದೆ...

ಶಾಲಾ ಸಂಸತ್ತು ರಚನೆ, ಉದ್ದೇಶ ಮತ್ತು ಅವಶ್ಯ ನಮೂನೆಗಳ PDF

ಶಾಲಾ ಸಂಸತ್ತು ರಚನೆ, ಉದ್ದೇಶ, ಪ್ರಯೋಜನಗಳು, ಶಾಲೆಯ ಪಾತ್ರ ಮತ್ತು ಅವಶ್ಯ  ನಮೂನೆಗಳ PDF.
      "ಇಂದಿನ ಮಕ್ಕಳೇ ಇಂದಿನ ಮತ್ತು ಮುಂದಿನ ನಾಯಕರು"; (ಇಂದಿನ ಮಕ್ಕಳು ಇಂದಿನ ಪ್ರಜೆಗಳು) ಇಂದು ಮಕ್ಕಳಲ್ಲಿ ನಾಯಕತ್ವ ಹಾಗೂ ಜವಾಬ್ದಾರಿ ನಿರ್ವಹಣಾ ಸಾಮರ್ಥ್ಯ ಅಭಿವೃದ್ದಿಪಡಿಸುವ ಅಗತ್ಯತೆ ಇದೆ. ಮಕ್ಕಳಲ್ಲಿ ಇಂತಹ ಗುಣಗಳನ್ನು ಬೆಳೆಸುವಲ್ಲಿ ಮಕ್ಕಳ ಸಂಸತ್ತು ಪ್ರಮುಖ ಪಾತ್ರ ವಹಿಸುತ್ತದೆ. ಮಕ್ಕಳ ಸಂಸತ್ ಎಂಬುದು ಮಕ್ಕಳ ಪ್ರಾತಿನಿಧಿಕ ರಚನೆಯಾಗಿದ್ದು, ಶಾಲಾ ಸಿಬ್ಬಂದಿ ಜೊತೆ ಶಾಲಾ ನಿರ್ವಹಣೆಯಲ್ಲಿ ಮಕ್ಕಳನ್ನೂ ಪಾಲುದಾರರನ್ನಾಗಿ ಮಾಡುವ ಮೂಲಕ ಜವಾಬ್ದಾರಿಯುತ ನಾಗರಿಕರನ್ನಾಗಿ ಬೆಳೆಸಲು ಅನುಕೂಲವಾಗುತ್ತದೆ.
ಶಾಲಾ ಸಂಸತ್ತು ರಚನೆ, ಉದ್ದೇಶ ಮತ್ತು ಅವಶ್ಯ ನಮೂನೆಗಳ PDF
    ಮಕ್ಕಳೂ ಸಹ ದೇಶದ ಪ್ರಜೆಗಳಾಗಿರುವುದರಿಂದ ಶಾಲಾ ಕಲಿಕೆಯ ಜೊತೆಜೊತೆಗೆ ಪ್ರಜಾಪ್ರಭುತ್ವದ ಮೂಲಾಂಶಗಳನ್ನು ಬೆಳೆಸಿದರೆ ಭವಿಷ್ಯದಲ್ಲಿ ಉತ್ತಮ ನಾಗರಿಕರನ್ನು ದೇಶಕ್ಕೆ ಕಾಣಿಕೆಯಾಗಿ ನೀಡಬಹುದು. ಈ ಹಿನ್ನಲೆಯಲ್ಲಿ ಮಕ್ಕಳ ಸಂಸತ್ತು ಹೆಚ್ಚು ಮಹತ್ವ ಪಡೆದಿದೆ. ಶಾಲೆಯ ಪ್ರತಿಯೊಂದು ಚಟುವಟಿಕೆ ಹಾಗೂ ಕಾರ್ಯಕ್ರಮಗಳಲ್ಲಿ ಮಕ್ಕಳ ಭಾಗವಹಿಸುವಿಕೆ ಮತ್ತು ಅಭಿವ್ಯಕ್ತಿ ಪ್ರಕ್ರಿಯೆ ಅತ್ಯಂತ ಮಹತ್ವದ್ದು. ಶಾಲೆಗೆ ಸಂಬಂಧಿಸಿದ ಕೆಲ ಚಟುವಟಿಕೆಗಳಲ್ಲಿ ನಿರ್ಣಯಗಳನ್ನು ಕೈಗೊಳ್ಳಲು ಮಕ್ಕಳೂ ಕೂಡಾ ಅರ್ಹರು. ಮಕ್ಕಳ ಹಕ್ಕುಗಳ ಒಡಂಬಡಿಕೆಯ ಪ್ರಕಾರ ಮಕ್ಕಳಿಗೆ ಸಂಬಂಧಿಸಿದ ಪ್ರತಿಯೊಂದು ಚಟುವಟಿಕೆ ಹಾಗೂ ನಿರ್ಣಯಗಳಲ್ಲಿ ಪಾಲ್ಗೊಳ್ಳುವ ಹಕ್ಕು ಮಕ್ಕಳಿಗೆ ಇದೆ. 

ಶಾಲಾ ಸಂಸತ್ತು ಚುನಾವಣೆಗೆ ಅವಶ್ಯವಿರುವ ನಮೂನೆಗಳು ಅಥವಾ ದಸ್ತಾವೇಜುಗಳು.

ಸೂಚನೆ: ನಮೂನೆಗಳ ಮೇಲೆ ಕ್ಲಿಕ್ ಮಾಡುವ ಮೂಲಕ Download ಮಾಡಿ ಮಾದರಿಯಾಗಿ ಬಳಸಿ.

1. ಶಾಲಾ ಸಂಸತ್ತು ಚುನಾವಣಾ ಅಧಿಸೂಚನೆ.

2. ರಜಿಸ್ಟರ್ 17A

3. ಬ್ಯಾಲೆಟ್ ಪೇಪರ್ 

4. ಪಿ. ಆರ್. ಓ ಡೈರಿ (PRO Dairy)

5. Voter Slips

6. ಅಭ್ಯರ್ಥಿಗಳ ಅಂತಿಮ ಪಟ್ಟಿ ಪ್ರಕಟ ನಮೂನೆ.

7. ಗಂಡು ಹೆಣ್ಣು ನಮೂದು ವಹಿ.

8. ಅಭ್ಯರ್ಥಿಗಳ ನಾಮಪತ್ರ ನಮೂನೆ.

9. ಪ್ರಮಾಣವಚನ.

10. ಮತದಾರರ ಪಟ್ಟಿ.
11. ಚುನಾಯಿತ ಅಭ್ಯರ್ಥಿಗಳ ಪಟ್ಟಿ.

12. ಶಾಲಾ ಸಂಸತ್ತು ಮಂತ್ರಿಗಳ ಪಟ್ಟಿ.


ಶಾಲಾ ಸಂಸತ್ತು ಚುನಾವಣೆ ವಿಡಿಯೋ


ಮಕ್ಕಳ ಶಾಲಾ ಸಂಸತ್ತು: 
ಮಕ್ಕಳು, ಮಕ್ಕಳಿಂದ, ಮಕ್ಕಳಿಗಾಗಿ ಆಯ್ಕೆಯಾದ ಸದಸ್ಯರ ಒಂದು ಸಂಸ್ಥೆ ಅಥವಾ ಸಂಘವೇ ಶಾಲಾ ಮಕ್ಕಳ ಸಂಸತ್ ಆಗಿದೆ. ಮಕ್ಕಳ ಸಂಸತ್‌ನಲ್ಲಿ ಮಕ್ಕಳೇ ಸಂಪೂರ್ಣ ಭಾಗೀದಾರರಾಗಿರುತ್ತಾರೆ. ತಮ್ಮ ಹಕ್ಕುಗಳನ್ನು ಪಡೆಯುವ ಮೂಲಕ ಕರ್ತವ್ಯಗಳನ್ನು ನಿರ್ವಹಿಸುವ ಜವಾಬ್ದಾರಿ ಕಲಿಯುವ ವೇದಿಕೆ. ಮಕ್ಕಳಲ್ಲಿ ಪ್ರಜಾಸತ್ತಾತ್ಮಕ ಮೌಲ್ಯಗಳನ್ನು ಬೆಳೆಸುವುದು ಶಿಕ್ಷಣ ಮೌಲ್ಯವಾಗಿದೆ. ಈ ನಿಟ್ಟಿನಲ್ಲಿ ಶಾಲಾ ಸಂಸತ್ ಹೆಚ್ಚು ಮಹತ್ವ ಪಡೆದಿದೆ. 

ಶಾಲಾ  ಸಂಸತ್‌ನ ಉದ್ದೇಶಗಳು: 

  • ಮಕ್ಕಳಲ್ಲಿ ನಾಯಕತ್ವದ ಗುಣಗಳನ್ನು ಬೆಳೆಸುವುದು.
  • ಜವಬ್ದಾರಿಯುತ ನಾಗರಿಕರಾಗಲು ತರಬೇತು ನೀಡುವುದು.
  • ಮಕ್ಕಳ ಸಮಸ್ಯೆಗಳನ್ನು ಗುರುತಿಸಿ ಸೂಕ್ತ ಪರಿಹಾರ ತೆಗೆದುಕೊಳ್ಳುವುದು.
  • ಶಾಲೆ ಹಾಗೂ ಮಕ್ಕಳಿಗೆ ಸಂಬಂಧಿಸಿದ ಚಟುವಟಿಕೆ ಮತ್ತು ಕಾರ್ಯಕ್ರಮಗಳಿಗೆ ಸೂಕ್ತ ನಿರ್ಣಯಗಳನ್ನು ಕೈಗೊಳ್ಳುವುದು.
  • ಶಾಲೆ ಬಿಟ್ಟ ಮಕ್ಕಳನ್ನು ಪುನಃ ಶಾಲೆಗೆ ಕರೆತರುವುದು.
  • ಮಕ್ಕಳ ಸಮಸ್ಯೆಗಳ ಚರ್ಚೆಗೆ ಸೂಕ್ತ ವೇದಿಕೆ ನಿರ್ಮಿಸುವುದು. 
  • ಶಾಲಾ ಆಡಳಿತದಲ್ಲಿ ಪಾಲ್ಗೊಳ್ಳಲು ಮಕ್ಕಳಿಗೆ ಅವಕಾಶ ನೀಡುವುದು.
  • ಚುನಾವಣೆಯ ಪ್ರಕ್ರಿಯೆಯನ್ನು ಮಕ್ಕಳಿಗೆ ಪ್ರಾಯೋಗಿಕವಾಗಿ ತಿಳಿಸುವುದು.
  • ಶಾಲೆ ಮತ್ತು ಸಮುದಾಯದ ನಡುವಿನ ಸೂಕ್ತ ಪ್ರಾತಿನಿಧ್ಯವನ್ನು ಸಕ್ರಿಯಗೊಳಿಸುವುದು.
  • ಮಕ್ಕಳಲ್ಲಿ ಪರಸ್ಪರ ಐಕ್ಯತೆ, ಒಗ್ಗಟ್ಟು ಮತ್ತು ಸಹೋದರತ್ವ ಭಾವನೆ ಬೆಳೆಸುವುದು.
  • ದೇಶ ಕಟ್ಟುವ ಕಾರ್ಯದಲ್ಲಿ ಜವಾಬ್ದಾರಿ ನಾಯಕತ್ವ ಬೆಳೆಸುವುದು.

  • ಸೈದ್ದಾಂತಿಕ ತತ್ವಗಳನ್ನು ಪ್ರಾಯೋಗಿಕವಾಗಿ ತಿಳಿಯುವುದು.

ಶಾಲಾ ಸಂಸತ್ತಿನ ಪ್ರಯೋಜನಗಳು:

  • ಸುವ್ಯವಸ್ಥಿತ ಶಾಲೆಯ ನಿರ್ವಹಣೆ.
  • ಮಕ್ಕಳ ದಾಖಲಾತಿ ಮತ್ತು ಹಾಜರಾತಿಯಲ್ಲಿ ಸುಧಾರಣೆ. 
  • ಶಿಸ್ತಿನ ಪರಿಸರ ನಿರ್ಮಾಣವಾಗುತ್ತದೆ.
  • ಲಭ್ಯವಿರುವ ಸ್ಥಳೀಯ ಸಂಪನ್ಮೂಲಗಳ ಸದ್ಭಳಕೆ.
  • ನಿರ್ದಿಷ್ಟ ಅವಧಿಯಲ್ಲಿ ಪಠ್ಯ ಮತ್ತು ಪಠ್ಯೇತರ ಚಟುವಟಿಕೆಗಳ ಆಯೋಜನೆ. 
  • ಕಲಿಕೆಯಲ್ಲಿ ಹಿಂದುಳಿಗೆ ಮಕ್ಕಳನ್ನು ಮುಖ್ಯವಾಹಿನಿಗೆ ತರಲು ಅನುಕೂಲ. 
  • ಶಾಲಾ ಕಲಿಕೆಯಲ್ಲಿ ಆಸಕ್ತಿಯಿಂದ ಪಾಲ್ಗೊಳ್ಳುವಿಕೆ.
  • ಮಕ್ಕಳಲ್ಲಿ ಅಭಿವ್ಯಕ್ತಿ ಹಾಗೂ ಸಂವಹನ ಕೌಶಲಗಳ ಅಭಿವೃದ್ದಿ. 
  • ಮಾನವೀಯ ಮೌಲ್ಯಗಳ ಜಾಗೃತಿಯಾಗುತ್ತದೆ.
  • ಮಕ್ಕಳಲ್ಲಿ ವಿಷಯಾಧಾರಿತ ಕೌಶಲ್ಯಗಳ ಅಭಿವೃದ್ದಿಯಾಗುತ್ತದೆ. 
  • ಮಕ್ಕಳಲ್ಲಿ ನಾಯಕತ್ವದ ಗುಣಗಳ ಅಭಿವೃದ್ದಿ. 
  • ಪ್ರಜಾಪ್ರಭುತ್ವದ ಮೌಲ್ಯಗಳ ಪ್ರಾಯೋಗಿಕ ಪರಿಚಯ.
  • ಮಕ್ಕಳಲ್ಲಿ ಆರೋಗ್ಯಕರ ಪೈಪೋಟಿಯ ಬೆಳವಣಿಗೆ. 


ಶಾಲೆಯ ಪಾತ್ರ : 
           ಪ್ರಾಥಮಿಕ ಶಾಲೆಗಳಾದರೆ ಹಿರಿಯ ತರಗತಿ ಮಕ್ಕಳನ್ನು, ಪ್ರೌಢಶಾಲೆಗಳಾದರೆ ಎಲ್ಲಾ ತರಗತಿ ಮಕ್ಕಳನ್ನು ಈ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳುವಂತೆ ಪ್ರೇರೇಪಿಸಬೇಕು. ರಾಷ್ಟ್ರ, ರಾಜ್ಯ ಅಥವಾ ಸ್ಥಳೀಯ ಚುನಾವಣೆಗಳ ಮಾದರಿಯಲ್ಲಿಯೇ, ಶಾಲಾ ಹಂತದ ಚುನಾವಣೆ ಮೂಲಕ ಚುನಾಯಿತ ಸದಸ್ಯರನ್ನು ಆಯ್ಕೆ ಮಾಡಬೇಕು. ಸಂಪೂರ್ಣವಾಗಿ ಪ್ರಜಾಪ್ರಭುತ್ವದ ಮಾದರಿಯಲ್ಲಿಯೇ ಪ್ರತಿನಿಧಿಗಳನ್ನು ಆಯ್ಕೆ ಮಾಡಬೇಕು. ಆಯ್ಕೆಯಾದ ಸದಸ್ಯರಿಗೆ ಅವರ ಸಾಮರ್ಥ್ಯ ಮತ್ತು ಅಪೇಕ್ಷೆಗೆ ತಕ್ಕಂತಹ ಖಾತೆಗಳನ್ನು ಹಂಚಿ ಪ್ರತಿಜ್ಞಾ ವಿಧಿ ಬೋಧಿಸಬೇಕು. ಇಲ್ಲಿ ಶಿಕ್ಷಕರ ವೈಯಕ್ತಿಕ ಹಿತಾಸಕ್ತಿಗಿಂತ ಮಗುವಿನ ಸಾಮರ್ಥ್ಯಕ್ಕೆ ಹೆಚ್ಚು ಆಧ್ಯತೆ ನೀಡಬೇಕು. 

          ನಿಗದಿತ ಅವಧಿಗೆ ಚುನಾಯಿತ ಸದಸ್ಯರೆಲ್ಲ ಸಭೆ ಸೇರಿ ಚರ್ಚಿಸಿ ತೀರ್ಮಾನಗಳನ್ನು ಕೈಗೊಳ್ಳುವಂತೆ ವ್ಯವಸ್ಥೆ ಮಾಡಬೇಕು. ಮಕ್ಕಳು ತಮ್ಮ ಹಂತದಲ್ಲಿ ಬಗೆಹರಿಸಿಕೊಳ್ಳಬಹುದಾದ ಸಮಸ್ಯೆಗಳನ್ನು ತಾವೇ ಬಗೆಹರಿಸಿಕೊಳ್ಳವುದು. ಉಳಿದ ಸಮಸ್ಯೆಗಳನ್ನು ಶಿಕ್ಷಕರು ಹಾಗೂ ಶಾಲಾ ಮುಖ್ಯಸ್ಥರ ಗಮನಕ್ಕೆ ತರುವುದು ಮತ್ತು ಅವುಗಳನ್ನು ಪರಿಹರಿಸಲು ಒತ್ತಾಯ ಮಾಡುವುದು. ಪ್ರತಿ ಸಭೆಯ ನಡಾವಳಿಗಳನ್ನು ದಾಖಲು ಮಾಡಬೇಕು. ಅಗತ್ಯವಿದ್ದಾಗ ಸಂಬಂಧಿಸಿದ ಅಧಿಕಾರಿಗಳನ್ನು ಆಹ್ವಾನಿಸಿ ಅವರ ಸಲಹೆ ಪಡೆಯುವುದು. 

        ಶಾಲೆಯಲ್ಲಿನ ಎಲ್ಲಾ ಕಾರ್ಯಕ್ರಮಗಳನ್ನು ಸಂಸತ್ ಸದಸ್ಯರ ನೇತೃತ್ವದಲ್ಲಿ ನಡೆಸುವುದು. ಮಕ್ಕಳು ಸ್ಥಳೀಯ ಸರಕಾರಗಳಾದ ಗ್ರಾಮ ಪಂಚಾಯ್ತಿ/ಪಟ್ಟಣ ಪಂಚಾಯ್ತಿ/ಪುರಸಭೆ/ನಗರಸಭೆಗಳ ವಾರ್ಡ್ ಸಭೆಗಳಲ್ಲಿ ಭಾಗವಹಿಸಿ ತಮ್ಮ ಹಕ್ಕುಗಳ ಈಡೇರಿಕೆಗೆ ಒತ್ತಾಯಿಸುವುದು. ಬಾಲ್ಯವಿವಾಹ, ಬಾಲ ಕಾರ್ಮಿಕತನ, ಮುಂತಾದ ಸಾಮಾಜಿಕ ಪಿಡುಗುಗಳ ವಿರುದ್ದ ಹೋರಾಡಿ ಮಕ್ಕಳ ಹಕ್ಕುಗಳನ್ನು ಎತ್ತಿಹಿಡಿಯುವುದು. ಪ್ರತಿವರ್ಷ ಪಂಚಾಯ್ತಿ ಹಂತದಲ್ಲಿ ನಡೆಯುವ ಮಕ್ಕಳ ಗ್ರಾಮಸಭೆಗಳಲ್ಲಿ ಭಾಗವಹಿಸಿ ಮಕ್ಕಳ ಹಿತಾಸಕ್ತಿ ಕಾಪಾಡಲು ಮನವಿ ಸಲ್ಲಿಸುವುದು. ಒಟ್ಟಾರೆ ಮಕ್ಕಳ ಹಕ್ಕುಗಳ ಸಂರಕ್ಷಣೆ ಮಾಡುವುದು ಸಂಸತ್‌ನ ಆದ್ಯ ಕರ್ತವ್ಯವಾಗಿದೆ. 

ಮಾಹಿತಿ ಕೃಪೆ : 
ಪ್ರಜಾವಾಣಿ ದಿನಪತ್ರಿಕೆ ಮತ್ತು ಅಂತರ್ಜಾಲ..

'ಸಮಾಜ ವಿಜ್ಞಾನ' ಮೂಲಭೂತ ಜ್ಞಾನ | Basic knowledge of 'Social Science'

         ಸಮಾಜ ವಿಜ್ಞಾನದ ಮೂಲಭೂತ ಜ್ಞಾನದ ಬಗ್ಗೆ ನಮಗೆಷ್ಟು ಗೊತ್ತು? ಸಮಾಜ ವಿಜ್ಞಾನವು ಇತಿಹಾಸ, ರಾಜ್ಯಶಾಸ್ತ್ರ, ಭೂಗೋಳಶಾಸ್ತ್ರ, ಅರ್ಥಶಾಸ್ತ್ರ, ಸಮಾಜಶಾಸ್ತ್ರ ಮತ್ತು ವ್ಯವಹಾರ ಅಧ್ಯಯನ ವಿಷಯಗಳನ್ನು ಒಳಗೊಂಡಿದ್ದು ಸಾಮಾನ್ಯ ಜ್ಞಾನದ ಹೆಚ್ಚು ಭಾಗವನ್ನು  ಹೊಂದಿದೆ.
   ಹಾಗಾಗಿ ಇಲ್ಲಿ  ಸಮಾಜ ವಿಜ್ಞಾನದ ಮೂಲಭೂತ ಅಂಶಗಳು ಮತ್ತು ಅವುಗಳ ಸಾಹಿತ್ಯವನ್ನು ಸಿದ್ಧಪಡಿಸಲಾಗಿದೆ.
'ಸಮಾಜ ವಿಜ್ಞಾನ' ಮೂಲಭೂತ ಜ್ಞಾನ | Basic knowledge of 'Social Science'

ಸೂಚನೆ : ಈ ಕೆಳಗೆ ನೀಡಲಾದ ವಿಷಯಗಳ ಮೇಲೆ ಕ್ಲಿಕ್ ಮಾಡಿ ಅದರ ಸಾಹಿತ್ಯ/ಮಾಹಿತಿಯನ್ನು ಪಡೆಯಬಹುದು.

ಸಮಾಜ ವಿಜ್ಞಾನದ ಮೂಲಭೂತ ಅಂಶಗಳು

1
. ನಿಮ್ಮ ಊರು, ಗ್ರಾಮ ಪಂಚಾಯಿತಿ ತಾಲೂಕು ಮತ್ತು ಜಿಲ್ಲೆ.

2. ದಿಕ್ಕುಗಳ ಹೆಸರು (ಕನ್ನಡ, ಸಂಸ್ಕೃತ ಮತ್ತು ಇಂಗ್ಲೀಷ್ ನಲ್ಲಿ).

3. ನಿಮ್ಮ ಜಿಲ್ಲೆ ಅದರಲ್ಲಿ ಬರುವ ತಾಲೂಕುಗಳು.

4. ಕರ್ನಾಟಕದಲ್ಲಿರುವ 31 ಜಿಲ್ಲೆ ಮತ್ತು ಎಲ್ಲ ತಾಲೂಕುಗಳು.

5. ನಾಲ್ಕು ಕಂದಾಯ ವಿಭಾಗಗಳು ಮತ್ತು ಅವುಗಳಲ್ಲಿ ಬರುವ ಜಿಲ್ಲೆಗಳು.

6. ಭಾರತದ ರಾಜ್ಯ - ರಾಜಧಾನಿಗಳು.

7. ಭಾರತದ ಕೇಂದ್ರಾಡಳಿತ ಪ್ರದೇಶಗಳು - ರಾಜಧಾನಿಗಳು.

8. ಪ್ರಪಂಚದಲ್ಲಿರುವ ಖಂಡಗಳು(7)

9. ಭಾರತ ಯಾವ ಖಂಡದಲ್ಲಿದೆ ಆ ಖಂಡದಲ್ಲಿರುವ ದೇಶಗಳು.

10. ಪ್ರಪಂಚದ ಮಹಾಸಾಗರಗಳು (4)

11. ಸೌರಮಂಡಲದ ಗ್ರಹಗಳು (ಅನುಕ್ರಮವಾಗಿ)

12. ಕಾಲಗಳು.

13. ಇತಿಹಾಸ, ರಾಜ್ಯಶಾಸ್ತ್ರ, ಸಮಾಜಶಾಸ್ತ್ರ, ಭೂಗೋಳಶಾಸ್ತ್ರ ಮತ್ತು ಅರ್ಥಶಾಸ್ತ್ರ ಎಂದರೇನು ಹಾಗೂ ಪಿತಾಮಹರ ಹೆಸರುಗಳು.

14. ಅಕ್ಷಾಂಶ ಮತ್ತು ರೇಖಾಂಶಗಳ ನಡುವಿನ ವ್ಯತ್ಯಾಸ.

15. ಭಾರತದ ರಾಷ್ಟ್ರೀಯ ಹಬ್ಬಗಳು.

16. ಭಾರತದ ಸ್ವತಂತ್ರ ಹೋರಾಟಗಾರರು.

17. ಭಾರತವನ್ನು ಆಳಿದ ರಾಜಮನೆತನಗಳು.

18. ಕರ್ನಾಟಕ ಆಳಿದ ರಾಜಮನೆತನಗಳು-ರಾಜರು.

19. ಭಾರತದ ಪ್ರಸಿದ್ಧ ಸ್ಮಾರಕಗಳ ಹೆಸರು ಮತ್ತು ಅವುಗಳ ನಿರ್ಮಾಪಕರು.

20. ನಿಮ್ಮ ಜಿಲ್ಲೆ, ಕರ್ನಾಟಕ, ಭಾರತ, ಏಷ್ಯಾ ಮತ್ತು ವಿಶ್ವ ನಕಾಶೆ ಬಿಡಿಸಿ ಪ್ರಮುಖ ಸ್ಥಳಗನ್ನು ಗುರುತಿಸುವುದು.

21. ಭಾರತದ ಪ್ರಧಾನ ಮಂತ್ರಿಗಳ ಪಟ್ಟಿ.

22. ಭಾರತದ ರಾಷ್ಟ್ರಪತಿಗಳ ಪಟ್ಟಿ.

23. ಕರ್ನಾಟಕದ ಮುಖ್ಯಮಂತ್ರಿಗಳ ಪಟ್ಟಿ.

24. ಕರ್ನಾಟಕದ ರಾಜ್ಯಪಾಲರ ಪಟ್ಟಿ.

25. ಭಾರತದಲ್ಲಿ ಹರಿಯುವ ಪ್ರಮುಖ ನದಿಗಳು ಮತ್ತು ಉಗಮ ಸ್ಥಳಗಳು.

26. ಪೂರ್ವಾಭಿಮುಖವಾಗಿ ಮತ್ತು ಪಶ್ಚಿಮಾಭಿಮುಖವಾಗಿ ಹರಿಯುವ ನದಿಗಳು.

27. ಕರ್ನಾಟಕದಲ್ಲಿ ಹರಿಯುವ ಪ್ರಮುಖ ನದಿಗಳು ಮತ್ತು ಉಗಮ ಸ್ಥಳಗಳು.

28. ನಿಮ್ಮ ಆದರ್ಶ ವ್ಯಕ್ತಿ ಯಾರು? ಅವರ ಕುರಿತು ಮಾಹಿತಿ ಸಂಗ್ರಹಣೆ.

29. ಕರ್ನಾಟಕದ ಜಿಲ್ಲೆಗಳ ವಿಶೇಷ ಹೆಸರುಗಳು 

30. ಕೃಷಿ ಸಂಬಂಧಿತ ಸಂಶೋಧನಾ ಸಂಸ್ಥೆಗಳು 

31. ಭಾರತದ ನೋಟುಗಳ ವಿಶೇಷತೆ 

32. ಕರ್ನಾಟಕದ ಏಳು ಅದ್ಭುತಗಳು.

33. ಪ್ರಮುಖ ರಾಜಕೀಯ ಹುದ್ದೆಗಳ ಆಯ್ಕೆಗೆ ಬೇಕಾದ ಕನಿಷ್ಠ ವಯಸ್ಸು. 

34. ಪ್ರಮುಖ ಅಕ್ಷಾಂಶ ಮತ್ತು ರೇಖಾಂಶಗಳು.

35. ಸಂವಿಧಾನದ ಬಗ್ಗೆ ರಸಪ್ರಶ್ನೆ.

36. ಪ್ರಸಿದ್ಧ ಸ್ಥಳಗಳ ಪ್ರಾಚೀನ ಹೆಸರುಗಳು.

37. ಗಣರಾಜ್ಯೋತ್ಸವದ ಬಗ್ಗೆ ರಸಪ್ರಶ್ನೆ

38. ನಮ್ಮ ರಾಷ್ಟ್ರಧ್ವಜದ ಬಗ್ಗೆ ಮಾಹಿತಿ. 

39. ವಿಶ್ವದ ಏಳು ಅದ್ಭುತಗಳು. 

40. 350+ ಸಾಮಾನ್ಯ ಜ್ಞಾನದ ಪ್ರಶ್ನೆಗಳು

41. ವಿಶ್ವದ ಪ್ರಮುಖ ಪಿತಾಮಹರು

42. ರಾಷ್ಟ್ರೀಯ & ಅಂತಾರಾಷ್ಟ್ರೀಯ ಪ್ರಮುಖ ದಿನಗಳು 

ಇನ್ನು ಹೆಚ್ಚಿನ Update ಗಾಗಿ ಮತ್ತೇ ಭೇಟಿ ನೀಡಿ. 

ಪ್ರಪಂಚದ 4 ಮಹಾಸಾಗರಗಳು | 4 Oceans of the-World

ಪ್ರಪಂಚದ 4 ಮಹಾಸಾಗರಗಳ ನಕಾಶೆ
        ಭೂಮಿಯ ಮೇಲೆ 361ದಶಲಕ್ಷ ಚದರ ಕಿ.ಮೀ ಭಾಗ ನೀರಿನಿಂದ ಆವರಿಸಿದ್ದು, ಭೂಮಿಯ ಮೇಲೆ ನೀರಿನ ಪ್ರಮಾಣ 70.78% ಆಗಿದೆ. ಭೂಮಿಯ ಮೇಲಿನ ವಿಸ್ತಾರವಾದ ಜಲರಾಶಿಯನ್ನು ಮಹಾಸಾಗರಗಳೆಂದು ಕರೆಯುತ್ತಾರೆ. ಅವುಗಳನ್ನು ನಾಲ್ಕು ಮಹಾಸಾಗರಗಳಾಗಿ ವಿಂಗಡಿಸಲಾಗಿದೆ. ಅವುಗಳೆಂದರೆ ಪೆಸಿಫಿಕ್ ಸಾಗರ, ಅಟ್ಲಾಂಟಿಕ್ ಸಾಗರ, ಹಿಂದೂ ಮಹಾಸಾಗರ ಮತ್ತು ಆರ್ಕ್ಟಿಕ್ ಸಾಗರ.
           ಪೆಸಿಫಿಕ್ ಸಾಗರವು ಅತಿ ದೊಡ್ಡದು ಹಾಗೂ ಹೆಚ್ಚು ಆಳವಾಗಿದೆ ಆರ್ಕ್ಟಿಕ್ ಸಾಗರ ಅತಿ ಚಿಕ್ಕದು ಮತ್ತು ಕಡಿಮೆ ಆಳ ಹೊಂದಿದೆ. 

1. ಪೆಸಿಫಿಕ್ ಮಹಾಸಾಗರ  : 
✯ಪ್ರಪಂಚದ ಅತ್ಯಂತ ದೊಡ್ಡ ಸಾಗರವಾಗಿದೆ.  
✯ಈ ಮಹಾಸಾಗರ ಅತ್ಯಂತ ಆಳವಾಗಿದೆ. 
✯ಈ ಮಹಾಸಾಗರದಲ್ಲಿ ಅತಿ ಹೆಚ್ಚು ಸಂಖ್ಯೆಯ ದ್ವೀಪ ಸಮೂಹಗಳಿವೆ. 
✯ಸಾ.ಶ 1521 ರಲ್ಲಿ ಪೋರ್ಚುಗೀಸ್ ಪರಿಶೋಧಕ ಫರ್ನಾಂಡೊ ಮ್ಯಾಗೆಲ್ಲನ್ ಈ ಮಹಾ‌ಸಾಗರಕ್ಕೆ (ಫೆಸಿಫಿಕ್ ಮಹಾಸಾಗರ)  ನಾಮಕರಣ ಮಾಡಿದರು.
✯ಅಮೆರಿಕಾ ಭೂಖಂಡಗಳ ಪಶ್ಚಿಮಕ್ಕೆ ಹಾಗೂ ಏಷ್ಯಾ ಮತ್ತು ಆಸ್ಟ್ರೇಲಿಯಾ ಭೂಖಂಡಗಳ ಪೂರ್ವದ ಪ್ರದೇಶದಲ್ಲಿ ಕಂಡುಬರುತ್ತದೆ.
✯ಇದನ್ನು 'ಶಾಂತಮಹಾಸಾಗರ' ಎಂದು ಕರೆಯುತ್ತಾರೆ. 
✯ಫೆಸಿಫಿಕ್ ಸಾಗರ ಎನ್ನುವ ಹೆಸರು ಲ್ಯಾಟಿನ್ ಭಾಷೆಯಿಂದ ಬಂದಿದೆ.

2. ಅಟ್ಲಾಂಟಿಕ್ ಸಾಗರ : 
✯ಎರಡನೇ ಅತಿ ದೊಡ್ಡ ಮಹಾಸಾಗರವಾಗಿದೆ. 
✯ಭೂಖಂಡಗಳ ಪೂರ್ವಕ್ಕೆ ಮತ್ತು ಯೂರೋಪ್ ಹಾಗೂ ಆಫ್ರಿಕಾ ಖಂಡಗಳ ಪಶ್ಚಿಮಕ್ಕೆ ಈ ಮಹಾಸಾಗರ ವ್ಯಾಪಿಸಿದೆ.
✯ಇಂಗ್ಲೀಷ್ ನ S ಅಕ್ಷರ ಹೋಲುವ ಮಹಾ‌ಸಾಗರವಾಗಿದೆ. 

3. ಹಿಂದೂ ಮಹಾಸಾಗರ : 
✯ಮೂರನೇ ದೊಡ್ಡ ಮಹಾಸಾಗರ. 
✯ದೇಶವೊಂದರ ಹೆಸರಿನಿಂದ ಕರೆಯಲ್ಪಡುವ ಏಕೈಕ ಸಾಗರ. 
✯ಹಿಂದೂ ಮಾಹಾಸಾಗರದಲ್ಲಿ ಅತ್ಯಂತ ಉದ್ದವಾದ ಕಡಲ ತೀರವನ್ನು ಹೊಂದಿರುವ ದೇಶ ಭಾರತ.
✯ಏಷ್ಯ ಖಂಡದ ದಕ್ಷಿಣ ಭಾಗ ಮತ್ತು ಆಸ್ಟ್ರೇಲಿಯ ಖಂಡದ ಉತ್ತರದಲ್ಲಿ ಕಂಡುಬರುತ್ತದೆ.

4. ಆರ್ಕ್ಟಿಕ್ ಸಾಗರ : 
✯ಈ ಮಹಾಸಾಗರ ಅತಿ ಶೀತಲ ಮಹಾಸಾಗರವಾಗಿದೆ. 
✯ಪ್ರಪಂಚದ ಅತ್ಯಂತ ಚಿಕ್ಕ ಸಾಗರವಾಗಿದೆ.
ಮಹಾಸಾಗರ.
✯ಅರ್ಕ್ಟಿಕ್ ಮಹಾಸಾಗರವು ಉತ್ತರಧ್ರುವ ಪ್ರದೇಶದ ಸುತ್ತಲೂ ಆವರಿಸಿಕೊಂಡಿದೆ.

ಪ್ರಪಂಚದ ಏಳು ಖಂಡಗಳು | 7 Continents of the World

ಪ್ರಪಂಚದ ನಕಾಶೆ 

ಭೂಮಿಯು ಒಟ್ಟು 500ದಶಲಕ್ಷ ಚದರ ಕಿ.ಮೀ ಭೌಗೋಳಿಕ ಕ್ಷೇತ್ರ ಹೊಂದಿದ್ದು, 149ದಶಲಕ್ಷ ಚದರ ಕಿ.ಮೀ (29.22%) ಮಾತ್ರ ಭೂ ಭಾಗ ಹೊಂದಿದೆ. ಭೂಮಿಯಲ್ಲಿನ ಭೂಭಾಗಗಳನ್ನು ಖಂಡಗಳೆಂದು ಕರೆಯುತ್ತಾರೆ. ಇಡೀ ಭೂಭಾಗವನ್ನು ಏಳು ಖಂಡಗಳಾಗಿ ವಿಂಗಡಿಸಲಾಗಿದೆ. ಅವುಗಳೆಂದರೆ ಏಷಿಯಾ, ಆಫ್ರಿಕಾ, ಉತ್ತರ ಅಮೆರಿಕ, ದಕ್ಷಿಣ ಅಮೆರಿಕ, ಅಂಟಾರ್ಕ್ಟಿಕ, ಯುರೋಪ್ ಮತ್ತು ಆಸ್ಟ್ರೇಲಿಯಾ. 
      ಏಷ್ಯಾ ಅತಿದೊಡ್ಡ ಖಂಡವಾಗಿದ್ದು, ಆಸ್ಟ್ರೇಲಿಯಾ ಅತಿ ಚಿಕ್ಕ ಖಂಡವಾಗಿದೆ.

1. ಏಷ್ಯ : 
✯ವಿಶ್ವದಲ್ಲಿಯೇ ಭೂಪ್ರದೇಶ ಮತ್ತು ಜನಸಂಖ್ಯೆಯಲ್ಲಿ ಅತ್ಯಂತ ದೊಡ್ಡ ಖಂಡ ಏಷ್ಯಾ.  
✯ಭೂಭಾಗದ ಮೂರನೇಯ ಒಂದು (⅓) ಭಾಗವನ್ನು  ಏಷ್ಯಾ ಖಂಡ ಹೊಂದಿದೆ.  ✯ಏಷ್ಯಾವನ್ನು 'ವೈವಿಧ್ಯಗಳ ಖಂಡ' ಎಂದು ಕರೆಯುತ್ತಾರೆ.
✯ವಿಶ್ವದ ಅರ್ಧಕ್ಕಿಂತ ಹೆಚ್ಚು ಜನಸಂಖ್ಯೆ ಏಷ್ಯಾ ಖಂಡದಲ್ಲಿದೆ.   
✯ಈ ಖಂಡದಲ್ಲಿ ಅರೇಬಿಯಾ, ಥಾರ್  ಮರುಭೂಮಿಗಳಿವೆ.
✯ಬೆಳೆಗಳು: ಧಾನ್ಯಗಳು, ಬೇಳೆಕಾಳು, ಕಾಫಿ, ಚಹ, ಎಣ್ಣೆಬೀಜಗಳು
✯ಖನಿಜಗಳು: ಕಲ್ಲಿದ್ದಲು, ಕಬ್ಬಿಣ, ಮ್ಯಾಂಗನೀಸ್, ಬಾಕ್ಸೈಟ್, ಪೆಟ್ರೋಲಿಯಂ
✯ಏಷ್ಯಾ ಖಂಡದಲ್ಲಿ ವಿಸ್ತೀರ್ಣದ ಪ್ರಕಾರ ರಷ್ಯಾ ಅತಿದೊಡ್ಡ ದೇಶವಾದರೆ, ಮಾಲ್ಡೀವ್ಸ್ ಅತ್ಯಂತ ಚಿಕ್ಕ ದೇಶವಾಗಿದೆ.
✯ಈ ಖಂಡದಲ್ಲಿ ಭಾರತ, ಪಾಕಿಸ್ತಾನ, ಚೀನಾ, ಜಪಾನ್, ಶ್ರೀಲಂಕಾ, ಸೌದಿ ಅರೇಬಿಯಾ, ಇರಾನ್, ಇರಾಕ್, ಮಲೇಷ್ಯಾ, ಫಿಲಿಪೈನ್ಸ್‌ನಂತಹ 50 ದೇಶಗಳಿವೆ.
✯ಮುಖ್ಯ ನಗರಗಳು : ನವದೆಹಲಿ, ಮುಂಬಯಿ, ಟೋಕಿಯ, ಕೊಲೊಂಬೊ, ಬ್ಯಾಂಕಾಕ್, ತಾಷ್ಕೆಂಟ್,ಸಿಂಗಾಪುರ, ಜಕಾರ್ತ, ಕೌಲಾಲಂಪುರ‌


2. ಆಫ್ರಿಕ :
✯ಪ್ರಪಂಚದ ಎರಡನೇ ದೊಡ್ಡ ಖಂಡವಾಗಿದೆ.
✯ಈ ಖಂಡದಲ್ಲಿ 52 ದೇಶಗಳಿವೆ.
✯ಉಷ್ಟ್ರ ಪಕ್ಷಿ ಕಂಡುಬರುತ್ತದೆ.
✯ನೈಲ್ ನದಿ ಈ ಖಂಡದಲ್ಲಿದೆ.
✯ ಈ ಖಂಡವನ್ನು 'ಕತ್ತಲೆಯ ಖಂಡ' ಎಂದು ಕರೆಯಲಾಗುತ್ತಿತ್ತು.
✯ವಜ್ರಗಳು ಮತ್ತು ಚಿನ್ನದ ಉತ್ಪಾದನೆಗೆ ಹೆಸರುವಾಸಿಯಾದ ಖಂಡ.
✯ಈ ಖಂಡದ ಮೂರನೇ ಒಂದು ಭಾಗ(⅓) ಮರುಭೂಮಿ ಹೊಂದಿದೆ. 
✯ವಿಷಯವೆಂದರೆ ಇಲ್ಲೇ ಮೊದಲ ಮಾನವ ಜನನ ಮತ್ತು ಬೆಳವಣಿಗೆಯಾಗಿದೆ.
✯ಬೆಳೆಗಳು: ಗೋಧಿ, ಕೋಕೋ, ತಾಳೆ, ನೆಲಗಡಲೆ, ಕಾಫಿ, ಹತ್ತಿ, ಮೆಕ್ಕೆಜೋಳ.
✯ ಮುಖ್ಯ ನಗರಗಳು: ಕೈರೊ, ಲುಸಾಕ, ಕೇಪ್ ಟೌನ್, ಮೊಂಬಾಸ, ನೈರೋಬಿ, ಹರಾರೆ, ಪ್ರಿಟೋರಿಯಾ. 


3. ಉತ್ತರ ಅಮೇರಿಕ :
✯ವಿಶ್ವದ ಮೂರನೇಯ ದೊಡ್ಡ  ಖಂಡವಾಗಿದೆ.  
✯ಇದು ವಿಶ್ವದ 16% ನಷ್ಟು ಭಾಗವನ್ನು ಹೊಂದಿದೆ.
✯ಈ ಖಂಡದಲ್ಲಿ 24 ದೇಶಗಳಿವೆ.
✯ ಈ ಖಂಡದ 79% ನಷ್ಟು  ಭೂಭಾಗವನ್ನು ಕೆನಡಾ ಮತ್ತು ಯುನೈಟೆಡ್ ಸ್ಟೇಟ್ಸ್  ದೇಶಗಳು ಹೊಂದಿವೆ.
✯ಈ ಖಂಡವು ಅತ್ಯಂತ ಉದ್ದದ ಕಡಲತೀರವನ್ನು ಹೊಂದಿದೆ.
✯ಪಶ್ಚಿಮಾರ್ಧಗೋಳದ ಉತ್ತರದಲ್ಲಿರುವ ಈ ಖಂಡ ಅಮೇರಿಕಾ ಸಂಯುಕ್ತ ಸಂಸ್ಥಾನಗಳು, ಕೆನಡಾ, ಮಧ್ಯ ಅಮೇರಿಕಾ ಇವುಗಳನ್ನು ಒಳಗೊಂಡಿರುತ್ತದೆ.
✯ಬೆಳೆಗಳು: ಬೇಳೆಕಾಳುಗಳು , ಹೊಗೆಸೊಪ್ಪು, ಆಲೂಗೆಡ್ಡೆ ಇತ್ಯಾದಿ.
✯ಖನಿಜಗಳು: ಚಿನ್ನ,  ಕಲ್ಲಿದ್ದಲು, ಪೆಟ್ರೋಲಿಯಂ, ಕಬ್ಬಿಣ, ಮ್ಯಾಂಗನೀಸ್, ತಾಮ್ರ ಇತ್ಯಾದಿ
✯ಮುಖ್ಯ ನಗರಗಳು: ನ್ಯೂಯಾರ್ಕ್‌, ವಾಷಿಂಗ್ಟನ್  ಡಿ.ಸಿ, ಸ್ಯಾನ್ ಫ್ರಾನ್ಸಿಸ್ಕೊ, ಷಿಕಾಗೊ, ಮೆಕ್ಸಿಕೋ,  ಮಾಂಟ್ರಿಯಲ್, ಒಟ್ಟಾವ, ಜಮೈಕಾ.

4. ದಕ್ಷಿಣ ಅಮೇರಿಕ :
✯ವಿಶ್ವದ ನಾಲ್ಕನೇ ಅತಿದೊಡ್ಡ ಖಂಡವಾಗಿದೆ.
✯ಈ ಖಂಡದಲ್ಲಿ  13 ದೇಶಗಳಿವೆ.
✯ಈ  ಖಂಡವನ್ನು ಸಾಮಾನ್ಯವಾಗಿ 'ಹುಲ್ಲುಗಾವಲುಗಳ ನಾಡು' ಎಂದು ಕರೆಯುತ್ತಾರೆ.
✯ದಕ್ಷಿಣ ಅಮೆರಿಕಾದಲ್ಲಿ ಬ್ರೆಜಿಲ್ ಅತಿದೊಡ್ಡ ದೇಶ ಮತ್ತು ಫಾಕ್ಲ್ಯಾಂಡ್ ಅತ್ಯಂತ ಚಿಕ್ಕ ದೇಶವಾಗಿದೆ. 
✯ಬೆಳೆಗಳು: ಕೋಕೋ, ಕಾಫಿ, ಕಬ್ಬು, ರಬ್ಬರ್ , ಬೇಳೆಕಾಳುಗಳು ಇತ್ಯಾದಿ
✯ಖನಿಜಗಳು: ಚಿನ್ನ, ಬೆಳ್ಳಿ, ತಾಮ್ರ,ತವರ, ವಜ್ರ, ನೈಟ್ರೇಟ್ ಗಳು.
✯ಮುಖ್ಯ ನಗರಗಳು: ರಿಯೊಡಿ ಜುನೈರೊ, ಟ್ರಿನಿಡಾಡ್, ಬ್ಯೂನಸ್ ಐರಸ್, ಲಾಪಾಜ್, ಬೊಗೋಟ.

5. ಅಂಟಾರ್ಟಿಕ :
✯ವಿಶ್ವದ ಐದನೇ ಅತಿದೊಡ್ಡ ಖಂಡವಾಗಿದೆ.  
✯ಈ ಖಂಡದ 98% ಪ್ರದೇಶವು ಹಿಮದಿಂದ ಆವೃತವಾಗಿದೆ ಆದ್ದರಿಂದ  ಜನ ವಸತಿ ಇಲ್ಲ.
✯ಇಲ್ಲಿ ವಿಜ್ಞಾನಿಗಳು ಸಂಶೋಧನೆ ಕೈಗೊಳ್ಳುವ ಕಾರಣಕ್ಕೆ  ವಿಜ್ಞಾನಿಗಳ ಖಂಡ ಎಂದು ಕರೆಯುತ್ತಾರೆ.
✯ಹೆಚ್ಚು  ಹಿಮದಿಂದ ಆವೃತವಾಗಿದ್ದರಿಂದ 'ಶ್ವೇತ  ಖಂಡ', 'ಹಿಮದ ಮರುಭೂಮಿ' & 'ಶೀತಲ ಖಂಡ' ಎಂದು ಕರೆಯುತ್ತಾರೆ. 
✯ಪ್ರಾಣಿಗಳು : ಪೆಂಗ್ವಿನ್, ಸೀಲ್ ಗಳು
✯ಈ ಖಂಡದಲ್ಲಿರುವ ಭಾರತದ ಸಂಶೋಧನಾ ಕೇಂದ್ರಗಳು : 
1. ದಕ್ಷಿಣ ಗಂಗೋತ್ರಿ
2. ಮೈತ್ರಿ
3. ಭಾರತಿ (ಸ್ಥಾಪಿಸಲು ಯೋಚಿಸಿದೆ)


6. ಯೂರೋಪ್ :
✯ಇದು ವಿಶ್ವದ ಆರನೇ ಅತಿದೊಡ್ಡ ಖಂಡವಾಗಿದೆ. 
✯ಬೆಳೆಗಳು : ಬೇಳೆಕಾಳುಗಳು, ಹಣ್ಣುಗಳು, ಆಲೂಗೆಡ್ಡೆ  ಅರಣ್ಯ ಉತ್ಪನ್ನಗಳು
✯ಕೈಗಾರಿಕೆಗಳು: ಕಬ್ಬಿಣ & ಉಕ್ಕಿನ ಕೈಗಾರಿಕೆ, ಹತ್ತಿ ಬಟ್ಟೆ ಕೈಗಾರಿಕೆ, ಹಡಗು ಕಟ್ಟುವ ಕೈಗಾರಿಕೆ & ಸ್ವಯಂಚಾಲಿತ ವಾಹನ ಕೈಗಾರಿಕೆ.
✯ಮುಖ್ಯ ದೇಶಗಳು : ಹಂಗೇರಿ, ನಾರ್ವೆ, ಸ್ವೀಡನ್, ಆಸ್ಟ್ರಿಯಾ, ರೊಮೇನಿಯಾ, ಯು.ಕೆ, ಪ್ರಾನ್ಸ್, ಜರ್ಮನಿ, ಪೋಲೆಂಡ್. ಒಟ್ಟು 56 ದೇಶ ವಿದೇಶಗಳನ್ನು ಹೊಂದಿದೆ.
✯ಮುಖ್ಯ ನಗರಗಳು: ಲಂಡನ್, ಬಾನ್, ಬರ್ನ್, ಪ್ಯಾರಿಸ್, ಮ್ಯೂನಿಕ್, ಬರ್ಲಿನ್, ಬುಡಾಪೆಸ್ಟ್, ಮಾಸ್ಕೊ, ಓಸೊ.

 7. ಆಸ್ಟ್ರೇಲಿಯ :
✯ಆ‌ಸ್ಟ್ರೇಲಿಯಾ ದ್ವೀಪ ಖಂಡಿತವಾಗಿದೆ.  ವಿಶೇಷವೆಂದರೆ ಏಕಕಾಲದಲ್ಲಿ ಖಂಡ, ರಾಷ್ಟ್ರ ಮತ್ತು ದ್ವೀಪವೆಂದು ಪರಿಗಣಿಸಲ್ಪಟ್ಟ ಏಕೈಕ ಸ್ಥಳ ಆಸ್ಟ್ರೇಲಿಯಾ.
✯ಈ ಖಂಡವನ್ನು 'ಅತ್ಯಂತ ಸಮಟ್ಟಾದ ಭೂಖಂಡ' & 'ಮರಭೂಮಿಯ ಭೂಖಂಡ'  ಎಂದು ಕರೆಯುತ್ತಾರೆ.
✯ಬೆಳೆಗಳು : ಗೋಧಿ, ಕಬ್ಬು, ಹತ್ತಿ, ತಂಬಾಕು ಇತ್ಯಾದಿ.
✯ಖನಿಜಗಳು: ಕಬ್ಬಿಣ, ಬಾಕ್ಸೈಟ್, ನಿಕ್ಕರ್, ತಾಮ್ರ, ಮ್ಯಾಂಗನೀಸ್, ಚಿನ್ನ, ತಾಮ್ರ, ಸೀಸ ಮತ್ತು ಯುರೇನಿಯಂ.
✯ಕೈಗಾರಿಕೆಗಳು: ಉಣ್ಣೆ, ಮರ, ಚಿನ್ನ, ಕಬ್ಬಿಣದ ಆದಿರು
✯ಮುಖ್ಯನಗರಗಳು: ಸಿಡ್ನಿ, ಮೆಲ್ಬೋರ್ನ್,ಅಡಿಲೇಡ್