ಗ್ರಾಮೀಣ ಭಾಗದ ಪ್ರತಿಭಾವಂತ ಮಕ್ಕಳಿಗೆ ಉಚಿತ ಹಾಗೂ ಅತ್ಯುತ್ತಮ ಗುಣಮಟ್ಟದ ಆಧುನಿಕ ಶಿಕ್ಷಣವನ್ನು ನೀಡಲು ಭಾರತ ಸರ್ಕಾರದ ಶಿಕ್ಷಣ ಸಚಿವಾಲಯದ ಅಡಿಯಲ್ಲಿ ಜವಾಹರ್ ನವೋದಯ ವಿದ್ಯಾಲಯಗಳನ್ನು (JNV) ಸ್ಥಾಪಿಸಲಾಗಿದೆ. ಪ್ರಸ್ತುತ 2027-28ರ ಶೈಕ್ಷಣಿಕ ಸಾಲಿನ 6ನೇ ತರಗತಿ ಪ್ರವೇಶಕ್ಕಾಗಿ ಅಧಿಕೃತ ಪ್ರಕಟಣೆ ಹೊರಬಿದ್ದಿದ್ದು, ಅರ್ಹ ವಿದ್ಯಾರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ.
ನಿಮ್ಮ ಮಗುವಿನ ಉಜ್ವಲ ಭವಿಷ್ಯಕ್ಕಾಗಿ ಈ ಪ್ರವೇಶ ಪರೀಕ್ಷೆಯ (JNVST-2027) ಇಂಚಿಂಚೂ ಮಾಹಿತಿ ಒಳಗೊಂಡ ಬ್ಲಾಗ್ ಪೋಸ್ಟ್ ಇಲ್ಲಿದೆ:
1. ಪ್ರಮುಖ ದಿನಾಂಕಗಳು (Important Dates)
☞ಅರ್ಜಿ ಸಲ್ಲಿಸಲು ಅಂತಿಮ ದಿನಾಂಕ : ಜುಲೈ 31, 2026
☞Hall Ticket ಬಿಡುಗಡೆ ದಿನಾಂಕ : Update soon
☞ಪರೀಕ್ಷೆ ನಡೆಯುವ ದಿನಾಂಕ : 28/11/2026
☞ಫಲಿತಾಂಶ ದಿನಾಂಕ : ಮಾರ್ಚ್/ಎಪ್ರಿಲ್ 2027
2. ಯಾರು ಅರ್ಜಿ ಸಲ್ಲಿಸಬಹುದು? (Eligibility Criteria)
- ವಯೋಮಿತಿ: ಅಭ್ಯರ್ಥಿಯು 01-05-2015 ರಿಂದ 31-07-2017 ರ ನಡುವೆ ಜನಿಸಿರಬೇಕು (ಎರಡೂ ದಿನಾಂಕಗಳು ಸೇರಿರುತ್ತವೆ).
- ವ್ಯಾಸಂಗ: ವಿದ್ಯಾರ್ಥಿಯು ಪ್ರಸ್ತುತ ಶೈಕ್ಷಣಿಕ ಸಾಲಿನಲ್ಲಿ (2026-27) ಸರ್ಕಾರಿ ಅಥವಾ ಸರ್ಕಾರದಿಂದ ಮಾನ್ಯತೆ ಪಡೆದ ಶಾಲೆಯಲ್ಲಿ 5ನೇ ತರಗತಿಯಲ್ಲಿ ಕಡ್ಡಾಯವಾಗಿ ಓದುತ್ತಿರಬೇಕು. ಅಲ್ಲದೆ 3 ಮತ್ತು 4ನೇ ತರಗತಿಗಳನ್ನು ಸಂಪೂರ್ಣ ಶೈಕ್ಷಣಿಕ ಅವಧಿಯಲ್ಲಿ ಓದಿ ಉತ್ತೀರ್ಣರಾಗಿರಬೇಕು.
- ಜಿಲ್ಲಾ ನಿರ್ಬಂಧ: ಮಗು ಯಾವ ಜಿಲ್ಲೆಯ ಬೋನಫೈಡ್ ನಿವಾಸಿಯಾಗಿದೆಯೋ ಮತ್ತು ಪ್ರಸ್ತುತ 5ನೇ ತರಗತಿಯನ್ನು ಓದುತ್ತಿದ್ದಾರೋ, ಅದೇ ಜಿಲ್ಲೆಯ JNV ಗೆ ಮಾತ್ರ ಅರ್ಜಿ ಸಲ್ಲಿಸಲು ಅರ್ಹರಾಗಿರುತ್ತಾರೆ.
- ಪುನರಾವರ್ತನೆಗೆ ಅವಕಾಶವಿಲ್ಲ: ಈಗಾಗಲೇ 5ನೇ ತರಗತಿ ಉತ್ತೀರ್ಣರಾದ ಅಥವಾ ಈ ಹಿಂದೆ ನವೋದಯ ಪರೀಕ್ಷೆ ಬರೆದ ವಿದ್ಯಾರ್ಥಿಗಳಿಗೆ ಎರಡನೇ ಬಾರಿ ಪರೀಕ್ಷೆ ಬರೆಯಲು ಅವಕಾಶವಿರುವುದಿಲ್ಲ.
ಅರ್ಜಿ ಸಲ್ಲಿಸುವ ವಿಧಾನ :
✯ಅರ್ಜಿ ನಮೂನೆಯನ್ನು ಆನ್ಲೈನ್ನಲ್ಲಿ https://cbseitms.rcil.gov.in/nvs/ ನಲ್ಲಿ ಭರ್ತಿ ಮಾಡಬೇಕು.
✯ಸಲ್ಲಿಸಿದ ಪ್ರವೇಶ ನಮೂನೆಯ ಪ್ರತಿಯನ್ನು ಮುಂದಿನ ವ್ಯವಹಾರಗಳ ಸಲುವಾಗಿ ಕಾಯ್ದಿಟ್ಟುಕೊಳ್ಳಬೇಕು.
3. ಅಭ್ಯರ್ಥಿಗಳಿಗೆ ಸೂಚನೆಗಳು :
A. ಆನ್ಲೈನ್ ಅರ್ಜಿಯನ್ನು ಸಲ್ಲಿಸುವ ಪ್ರಕ್ರಿಯೆಯು ಕೇವಲ ಒಂದೇ ಹಂತವನ್ನು ಮಾತ್ರ ಒಳಗೊಂಡಿರುತ್ತದೆ.
B. OBC ಅಭ್ಯರ್ಥಿಗಳಿಗೆ ಮೀಸಲಾತಿಯನ್ನು ಕೇಂದ್ರ ಪಟ್ಟಿಯ (Central List) ಪ್ರಕಾರ ಜಾರಿಗೊಳಿಸಲಾಗುವುದು. ಕೇಂದ್ರ ಪಟ್ಟಿಯಲ್ಲಿ ಸೇರ್ಪಡೆಯಾಗದ OBC ಅಭ್ಯರ್ಥಿಗಳು ಸಾಮಾನ್ಯ ಅಭ್ಯರ್ಥಿ (General Candidate) ಎಂದು ಅರ್ಜಿ ಸಲ್ಲಿಸಬೇಕು.
C. ಅರ್ಜಿಯನ್ನು ಭರ್ತಿ ಮಾಡಲು ಪ್ರಾರಂಭಿಸುವ ಮುನ್ನ ಕೆಳಗಿನ ಸ್ಕ್ಯಾನ್ ಮಾಡಿದ ಪ್ರತಿಗಳನ್ನು ಕೇವಲ JPG ರೂಪದಲ್ಲಿ (Format Only) ಸಿದ್ಧವಾಗಿಟ್ಟುಕೊಳ್ಳಿ:
4. ಶಾಲೆಯ ಮುಖ್ಯಾಂಶಗಳು ಮತ್ತು ಶುಲ್ಕದ ವಿವರಗಳು (Salient Features & Fees)
- ಉಚಿತ ವಸತಿ ಶಿಕ್ಷಣ: ಇದು ಹುಡುಗ ಮತ್ತು ಹುಡುಗಿಯರಿಗೆ ಪ್ರತ್ಯೇಕ ಹಾಸ್ಟೆಲ್ ವ್ಯವಸ್ಥೆ ಹೊಂದಿರುವ ಉಚಿತ ಸಹ-ಶಿಕ್ಷಣ ವಸತಿ ಶಾಲೆಯಾಗಿದೆ.
- ಶುಲ್ಕ ವಿನಾಯಿತಿ: 6 ರಿಂದ 8ನೇ ತರಗತಿವರೆಗೆ ಎಲ್ಲರಿಗೂ ಶಿಕ್ಷಣ, ಊಟ, ವಸತಿ, ಸಮವಸ್ತ್ರ ಮತ್ತು ಪಠ್ಯಪುಸ್ತಕಗಳು ಸಂಪೂರ್ಣ ಉಚಿತವಾಗಿರುತ್ತದೆ.
- ವಿದ್ಯಾಲಯ ವಿಕಾಸ್ ನಿಧಿ (VVN): 9 ರಿಂದ 12ನೇ ತರಗತಿಯ ಸಾಮಾನ್ಯ ಮತ್ತು OBC ವರ್ಗದ ವಿದ್ಯಾರ್ಥಿಗಳಿಂದ ಮಾತ್ರ ಮಾಸಿಕ ₹600 ಶುಲ್ಕ ಪಡೆಯಲಾಗುತ್ತದೆ.
- ಸಂಪೂರ್ಣ ಉಚಿತ ಯಾರಿಗೆ?: ಎಲ್ಲಾ ವರ್ಗದ ಹೆಣ್ಣುಮಕ್ಕಳು, SC/ST ವಿದ್ಯಾರ್ಥಿಗಳು, ದಿವ್ಯಾಂಗರು ಮತ್ತು ಬಿಪಿಎಲ್ (BPL) ಕುಟುಂಬದ ಮಕ್ಕಳಿಗೆ ಯಾವುದೇ ಶುಲ್ಕವಿರುವುದಿಲ್ಲ. (ಸರ್ಕಾರಿ ನೌಕರರ ಮಕ್ಕಳಿಗೆ ನಿಯಮಾನುಸಾರ ಗರಿಷ್ಠ ₹1500 ವರೆಗೆ ಶುಲ್ಕವಿರುತ್ತದೆ).
5. ಸೀಟುಗಳ ಮೀಸಲಾತಿ (Reservation Rules)
- ಗ್ರಾಮೀಣ ಕೋಟಾ: ಪ್ರತಿ ಜಿಲ್ಲೆಯ ಒಟ್ಟು ಸೀಟುಗಳಲ್ಲಿ ಕನಿಷ್ಠ 75% ಸೀಟುಗಳನ್ನು ಕಡ್ಡಾಯವಾಗಿ ಗ್ರಾಮೀಣ ಭಾಗದ ಶಾಲೆಯಲ್ಲಿ ಓದಿದ ಮಕ್ಕಳಿಗೆ ಮೀಸಲಿಡಲಾಗಿದೆ.
- ವಿದ್ಯಾರ್ಥಿನಿಯರ ಮೀಸಲಾತಿ: ಒಟ್ಟು ಸೀಟುಗಳಲ್ಲಿ ಕನಿಷ್ಠ ಮೂರನೇ ಒಂದು (1/3rd) ಸೀಟುಗಳನ್ನು ಹೆಣ್ಣುಮಕ್ಕಳಿಗೆ ಕಾಯ್ದಿರಿಸಲಾಗಿದೆ.
- ಇತರ ಮೀಸಲಾತಿ: ಕೇಂದ್ರ ಸರ್ಕಾರದ ನಿಯಮಾವಳಿಗಳ ಪ್ರಕಾರ SC, ST, OBC (ಕೇಂದ್ರ ಪಟ್ಟಿ) ಮತ್ತು ದಿವ್ಯಾಂಗ ಅಭ್ಯರ್ಥಿಗಳಿಗೆ ಸೂಕ್ತ ಮೀಸಲಾತಿ ಸೌಲಭ್ಯವಿದೆ.
- ಗ್ರಾಮೀಣ ಕೋಟಾ: ಪ್ರತಿ ಜಿಲ್ಲೆಯ ಒಟ್ಟು ಸೀಟುಗಳಲ್ಲಿ ಕನಿಷ್ಠ 75% ಸೀಟುಗಳನ್ನು ಕಡ್ಡಾಯವಾಗಿ ಗ್ರಾಮೀಣ ಭಾಗದ ಶಾಲೆಯಲ್ಲಿ ಓದಿದ ಮಕ್ಕಳಿಗೆ ಮೀಸಲಿಡಲಾಗಿದೆ.
- ವಿದ್ಯಾರ್ಥಿನಿಯರ ಮೀಸಲಾತಿ: ಒಟ್ಟು ಸೀಟುಗಳಲ್ಲಿ ಕನಿಷ್ಠ ಮೂರನೇ ಒಂದು (1/3rd) ಸೀಟುಗಳನ್ನು ಹೆಣ್ಣುಮಕ್ಕಳಿಗೆ ಕಾಯ್ದಿರಿಸಲಾಗಿದೆ.
- ಇತರ ಮೀಸಲಾತಿ: ಕೇಂದ್ರ ಸರ್ಕಾರದ ನಿಯಮಾವಳಿಗಳ ಪ್ರಕಾರ SC, ST, OBC (ಕೇಂದ್ರ ಪಟ್ಟಿ) ಮತ್ತು ದಿವ್ಯಾಂಗ ಅಭ್ಯರ್ಥಿಗಳಿಗೆ ಸೂಕ್ತ ಮೀಸಲಾತಿ ಸೌಲಭ್ಯವಿದೆ.
6. ಪರೀಕ್ಷೆ & ಪ್ರಶ್ನೆ ಪತ್ರಿಕೆ ಸ್ವರೂಪ
➣ ಈ ಪ್ರವೇಶ ಪರೀಕ್ಷೆಯನ್ನು ನವೋದಯ ವಿದ್ಯಾಲಯ ಸಮಿತಿ ನಡೆಸುತ್ತದೆ.
➣ ಆಯ್ಕೆ ಪರೀಕ್ಷೆಯು ಬೆಳಿಗ್ಗೆ 11:30 ರಿಂದ ಮಧ್ಯಾಹ್ನ 01:30 ರವರೆಗೆ ಎರಡು ಗಂಟೆಗಳ ಅವಧಿಯಾಗಿರುತ್ತದೆ.
➣ ಕೇವಲ ವಸ್ತುನಿಷ್ಠ ಮಾದರಿಯ ಪ್ರಶ್ನೆಗಳೊಂದಿಗೆ 4 ವಿಭಾಗಗಳನ್ನು ಹೊಂದಿರುತ್ತದೆ. ಈ ವರ್ಷ ಪರಿಸರ ಅಧ್ಯಯನ ಹೊಸದಾಗಿ ಸೇರಿಸಿದ್ದಾರೆ.
➣ ಪರೀಕ್ಷೆಯ ಅಂಕ : 100ಅಂಕ.
➣ ಪರೀಕ್ಷೆಯ ಸಮಯ : 2 ಗಂಟೆ
ವಿಷಯಗಳು | ಪ್ರಶ್ನೆಗಳ ಸಂಖ್ಯೆ | ಅಂಕಗಳು | ಸಮಯ |
ಮಾನಸಿಕ ಸಾಮರ್ಥ್ಯ ಪರೀಕ್ಷೆ + ಪರಿಸರ ಅಧ್ಯಯನ | 20+20 | 25+25 | 60 ನಿಮಿಷಗಳು |
ಅಂಕಗಣಿತ ಪರೀಕ್ಷೆ | 20 | 25 | 30 ನಿಮಿಷಗಳು |
ಭಾಷಾ ಪರೀಕ್ಷೆ | 20 | 25 | 30 ನಿಮಿಷಗಳು |
ಒಟ್ಟು | 80 | 100 | 120 ನಿಮಿಷಗಳು |
ವಿಶೇಷ ಸೂಚನೆ: ದಿವ್ಯಾಂಗ ವಿದ್ಯಾರ್ಥಿಗಳಿಗೆ ಹೆಚ್ಚುವರಿಯಾಗಿ 40 ನಿಮಿಷಗಳ ಕಾಲಾವಕಾಶ ನೀಡಲಾಗುತ್ತದೆ. ಪರೀಕ್ಷೆಯಲ್ಲಿ ಉತ್ತೀರ್ಣರಾಗಲು ಪ್ರತಿ ವಿಭಾಗದಲ್ಲೂ ಕನಿಷ್ಠ ಅರ್ಹತಾ ಅಂಕಗಳನ್ನು (ಮಾನಸಿಕ ಸಾಮರ್ಥ್ಯ ಹಾಗೂ ಇವಿಎಸ್ನಲ್ಲಿ 14, ಗಣಿತದಲ್ಲಿ 7, ಭಾಷೆಯಲ್ಲಿ 7) ಗಳಿಸುವುದು ಕಡ್ಡಾಯವಾಗಿದೆ.
7. ಆನ್ಲೈನ್ ಅರ್ಜಿ ಸಲ್ಲಿಸುವ ಹಂತ-ಹಂತದ ವಿಧಾನ (How to Apply)
ಅಧಿಕೃತ ವೆಬ್ಸೈಟ್: ಅರ್ಜಿಗಳನ್ನು https://navodaya.gov.in ಮೂಲಕ ಸಂಪೂರ್ಣ ಉಚಿತವಾಗಿ ಸಲ್ಲಿಸಬಹುದು.
ಅರ್ಜಿ ಸಲ್ಲಿಸಲು ಅಗತ್ಯ ದಾಖಲೆಗಳು
I. ಅಭ್ಯರ್ಥಿಯ ಸಹಿ. (ಸಹಿಯ ಗಾತ್ರವು 10-100 kb ನಡುವೆ ಇರಬೇಕು.)
I. ಅಭ್ಯರ್ಥಿಯ ಸಹಿ. (ಸಹಿಯ ಗಾತ್ರವು 10-100 kb ನಡುವೆ ಇರಬೇಕು.)
II. ಪೋಷಕರ ಸಹಿ. (ಸಹಿಯ ಗಾತ್ರವು 10-100 kb ನಡುವೆ ಇರಬೇಕು.)
III. ಅಭ್ಯರ್ಥಿಯ ಭಾವಚಿತ್ರ (Photograph). (ಚಿತ್ರದ ಗಾತ್ರವು 10-100 kb ನಡುವೆ ಇರಬೇಕು.)
IV. ವರ್ಗ ಪ್ರಮಾಣಪತ್ರ (SC/ST/OBC/EWS). OBC ವರ್ಗದ ಸಂದರ್ಭದಲ್ಲಿ, ಸಕ್ಷಮ ಸರ್ಕಾರಿ ಪ್ರಾಧಿಕಾರದಿಂದ ನೀಡಲಾದ ಕೇಂದ್ರ OBC (CENTRAL OBC) ಪ್ರಮಾಣಪತ್ರವನ್ನು ಮಾತ್ರ ಸ್ವೀಕರಿಸಲಾಗುತ್ತದೆ. (ಚಿತ್ರದ ಗಾತ್ರವು 50-300 kb ನಡುವೆ ಇರಬೇಕು.)
ಅಭ್ಯರ್ಥಿಯು ಆಧಾರ್ ಸಂಖ್ಯೆಯನ್ನು ಹೊಂದಿಲ್ಲದಿದ್ದರೆ, ಸಕ್ಷಮ ಸರ್ಕಾರಿ ಪ್ರಾಧಿಕಾರದಿಂದ ನೀಡಲಾದ ಪೋಷಕರ ವಾಸಸ್ಥಳ ಪ್ರಮಾಣಪತ್ರ (Residence Certificate).
🔹ನವೋದಯ ಸಹಾಯವಾಣಿ (Helpdesk): ತಾಂತ್ರಿಕ ತೊಂದರೆ ಇದ್ದಲ್ಲಿ ಪೋಷಕರು ಹತ್ತಿರದ ನವೋದಯ ಶಾಲೆಯ ಸಹಾಯವಾಣಿಗೆ ಮಗುವಿನ ಭಾವಚಿತ್ರ, ಸಹಿ ಮತ್ತು ಸಕ್ರಿಯ ಮೊಬೈಲ್ ನಂಬರ್ (OTP ಗಾಗಿ) ಕೊಂಡೊಯ್ದು ಉಚಿತವಾಗಿ ಅರ್ಜಿ ಸಲ್ಲಿಸಬಹುದು.
🔹ತಿದ್ದುಪಡಿ ಅವಕಾಶ (Correction Window): ಅರ್ಜಿ ಸಲ್ಲಿಕೆಯ ಅವಧಿ ಮುಗಿದ ನಂತರ ಲಿಂಗ, ಪ್ರದೇಶ, ಪರೀಕ್ಷಾ ಮಾಧ್ಯಮ ಮತ್ತು ವರ್ಗವನ್ನು ತಿದ್ದುಪಡಿ ಮಾಡಲು ಕೆಲವು ದಿನಗಳ ಕಾಲ ವೆಬ್ಸೈಟ್ನಲ್ಲಿ ತಿದ್ದುಪಡಿ ವಿಂಡೋವನ್ನು ತೆರೆಯಲಾಗುತ್ತದೆ.
8. ಆಯ್ಕೆಯಾದ ನಂತರ ಸಲ್ಲಿಸಬೇಕಾದ ಪ್ರಮುಖ ದಾಖಲೆಗಳು (Required Documents)
ಪರೀಕ್ಷೆಯಲ್ಲಿ ತಾತ್ಕಾಲಿಕವಾಗಿ ಆಯ್ಕೆಯಾದ ನಂತರ ದಾಖಲಾತಿ ಪರಿಶೀಲನೆ ವೇಳೆ ಈ ಕೆಳಗಿನ ಮೂಲ ದಾಖಲೆಗಳನ್ನು ಕಡ್ಡಾಯವಾಗಿ ಸಲ್ಲಿಸಬೇಕು:
- ಸಕ್ಷಮ ಪ್ರಾಧಿಕಾರದಿಂದ ನೀಡಲಾದ ಜನನ ಪ್ರಮಾಣ ಪತ್ರ.
- ಭಾರತ ಸರ್ಕಾರ ಮಾನ್ಯ ಮಾಡಿರುವ ಪೋಷಕರ ವಾಸಸ್ಥಳ ದೃಢೀಕರಣ ಪತ್ರ.
- ವಿದ್ಯಾರ್ಥಿಯ ಆಧಾರ್ ಕಾರ್ಡ್ ನಕಲು ಪ್ರತಿ.
- ಶಾಲೆಯ ಮುಖ್ಯೋಪಾಧ್ಯಾಯರಿಂದ ದೃಢೀಕರಿಸಲ್ಪಟ್ಟ 3, 4 ಮತ್ತು 5ನೇ ತರಗತಿಯ ವ್ಯಾಸಂಗ ವಿವರಗಳ ಪ್ರಮಾಣ ಪತ್ರ.
- ಗ್ರಾಮೀಣ ಕೋಟಾದಡಿ ಸೀಟು ಪಡೆದಿದ್ದರೆ ಕಂದಾಯ ಅಧಿಕಾರಿಯಿಂದ (Revenue Officer) ಪಡೆದ 'ಗ್ರಾಮೀಣ ಪ್ರದೇಶ ಪ್ರಮಾಣ ಪತ್ರ'.
- SC/ST ಅಥವಾ ಕೇಂದ್ರ ಪಟ್ಟಿಯ OBC ಜಾತಿ ಪ್ರಮಾಣ ಪತ್ರ (ಅನ್ವಯಿಸುವವರಿಗೆ ಮಾತ್ರ).
- ದಿವ್ಯಾಂಗ ಅಥವಾ ಟ್ರಾನ್ಸ್ಜೆಂಡರ್ ಪ್ರಮಾಣ ಪತ್ರ (ಅನ್ವಯಿಸುವವರಿಗೆ ಮಾತ್ರ).
- ಶಾಲೆಯಿಂದ ಪಡೆದ ವರ್ಗಾವಣೆ ಪತ್ರ (TC).
9. ನೆನಪಿನಲ್ಲಿಡಬೇಕಾದ ಪ್ರಮುಖ ಪರೀಕ್ಷಾ ನಿಯಮಗಳು
- OMR ಶೀಟ್ ನಿಯಮ: ಉತ್ತರ ಗುರುತಿಸಲು ಕೇವಲ ನೀಲಿ ಅಥವಾ ಕಪ್ಪು ಬಾಲ್ ಪಾಯಿಂಟ್ ಪೆನ್ ಮಾತ್ರ ಬಳಸಬೇಕು. ಪೆನ್ಸಿಲ್, ವೈಟ್ನರ್ ಬಳಕೆ ಅಥವಾ ಒಮ್ಮೆ ಗುರುತಿಸಿದ ಉತ್ತರವನ್ನು ತಿದ್ದುವುದನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ.
- ಟೈ-ಬ್ರೇಕಿಂಗ್ ನಿಯಮ (ಸಮಾನ ಅಂಕ ಬಂದಾಗ): ಇಬ್ಬರು ವಿದ್ಯಾರ್ಥಿಗಳಿಗೆ ಒಂದೇ ಒಟ್ಟು ಅಂಕ ಬಂದರೆ ಮೊದಲು ಮಾನಸಿಕ ಸಾಮರ್ಥ್ಯ-ಇವಿಎಸ್ ಅಂಕ, ನಂತರ ಗಣಿತದ ಅಂಕ, ಸಾಮಾಜಿಕ ವರ್ಗ (ST > SC > OBC > Gen), ಹೆಣ್ಣುಮಕ್ಕಳಿಗೆ ಆದ್ಯತೆ ಮತ್ತು ಕೊನೆಯದಾಗಿ ಕಿರಿಯ ವಯಸ್ಸಿನ ಅಭ್ಯರ್ಥಿಯನ್ನು ಆಯ್ಕೆಗೆ ಪರಿಗಣಿಸಲಾಗುತ್ತದೆ.
- ವಲಸೆ ಯೋಜನೆ (Migration Scheme): 9ನೇ ತರಗತಿಯಲ್ಲಿ ರಾಷ್ಟ್ರೀಯ ಭಾವೈಕ್ಯತೆಗಾಗಿ ವಿದ್ಯಾರ್ಥಿಗಳನ್ನು ಒಂದು ವರ್ಷದ ಅವಧಿಗೆ ಬೇರೆ ಭಾಷೆಯ ರಾಜ್ಯದ ನವೋದಯ ಶಾಲೆಗೆ ವಲಸೆ ಕಳುಹಿಸಲಾಗುತ್ತದೆ. ಇದಕ್ಕೆ ಪೋಷಕರ ಒಪ್ಪಿಗೆ ಕಡ್ಡಾಯವಾಗಿದ್ದು, ನಿರಾಕರಿಸಿದರೆ ಶಾಲೆಯಲ್ಲಿ ವ್ಯಾಸಂಗ ಮುಂದುವರಿಸಲು ಅವಕಾಶವಿರುವುದಿಲ್ಲ.
ಹೆಚ್ಚಿನ ವಿವರಗಳಿಗಾಗಿ ದಯವಿಟ್ಟು ಮಾಹಿತಿ ಕೈಪಿಡಿಯನ್ನು (Prospectus) ಓದಿ.
.jpg)
