NMMS 8ನೇ ತರಗತಿ ಸಮಾಜ ವಿಜ್ಞಾನ: ಅಧ್ಯಾಯ -12 ಶಿಲಾಗೋಳ (MCQs)

ಆತ್ಮೀಯ ವಿದ್ಯಾರ್ಥಿಗಳೇ ಹಾಗೂ ಶಿಕ್ಷಕರೇ, NMMS ಪರೀಕ್ಷಾ ತಯಾರಿಗಾಗಿ 8ನೇ ತರಗತಿಯ ಸಮಾಜ ವಿಜ್ಞಾನದ"ಶಿಲಾಗೋಳ" ಅಧ್ಯಾಯದ ಪ್ರಮುಖ 20 ಬಹು ಆಯ್ಕೆ ಪ್ರಶ್ನೆಗಳನ್ನು ಇಲ್ಲಿ ನೀಡಲಾಗಿದೆ. ಮೊದಲು ನೀವೇ ಉತ್ತರಿಸಲು ಪ್ರಯತ್ನಿಸಿ, ನಂತರ ಕೆಳಗೆ ನೀಡಿರುವ ಉತ್ತರಗಳೊಂದಿಗೆ ಪರಿಶೀಲಿಸಿಕೊಳ್ಳಿ. 

ಮುಂದಿನ ಎಲ್ಲ ಅಧ್ಯಾಯಗಳ ಪ್ರಶ್ನೋತ್ತರಗಳನ್ನು ಪಡೆಯಲು ನಮ್ಮ ಬ್ಲಾಗ್ ಫಾಲೋ ಮಾಡಿ ಹಾಗೂ ಇದನ್ನು ನಿಮ್ಮ ಸ್ನೇಹಿತರೊಂದಿಗೂ ಹಂಚಿಕೊಳ್ಳಿ.

12. ಶಿಲಾಗೋಳ  - 20 ಬಹು ಆಯ್ಕೆ ಪ್ರಶ್ನೋತ್ತರಗಳು

1. ಭೂಮಿಯ ಅತ್ಯಂತ ಮೇಲ್ಭಾಗದ ಘನ ಪದರವನ್ನು ಏನೆಂದು ಕರೆಯುತ್ತಾರೆ? 
A) ವಾಯುಗೋಳ       B) ಜಲಗೋಳ 
C) ಶಿಲಾಗೋಳ            D) ಜೀವಗೋಳ

2. ಭೂಕವಚದ ಮೇಲ್ಪದರವನ್ನು 'ಸಿಯಾಲ್' (SIAL) ಎಂದು ಕರೆಯಲು ಕಾರಣವೇನು? 
A) ಇದು ಸಿಲಿಕ ಮತ್ತು ಮೆಗ್ನೀಷಿಯಂನಿಂದ ಕೂಡಿದೆ. 
B) ಇದು ಸಿಲಿಕ ಮತ್ತು ಅಲ್ಯೂಮಿನಿಯಂನಿಂದ ಕೂಡಿದೆ. 
C) ಇದು ನಿಕ್ಕಲ್ ಮತ್ತು ಫೆರಸ್ ನಿಂದ ಕೂಡಿದೆ. 
D) ಇದು ಕೇವಲ ಕಲ್ಲು ಮತ್ತು ಮಣ್ಣಿನಿಂದ ಕೂಡಿದೆ.

3. ಭೂಮಿಯ ಅಂತರಾಳದ ಕೇಂದ್ರಗೋಳವನ್ನು 'ನಿಫೆ' (NIFE) ಎಂದು ಕರೆಯುತ್ತಾರೆ, ಏಕೆಂದರೆ ಇದು ಈ ಕೆಳಗಿನ ವಸ್ತುಗಳಿಂದ ಕೂಡಿದೆ: 
A) ನೈಟ್ರೋಜನ್ ಮತ್ತು ಐರನ್ 
B) ನಿಕ್ಕಲ್ ಮತ್ತು ಫೆರಸ್ (ಕಬ್ಬಿಣ) 
C) ನಿಯಾನ್ ಮತ್ತು ಫಾಸ್ಫರಸ್ 
D) ನಿಕ್ಕಲ್ ಮತ್ತು ಮೆಗ್ನೀಷಿಯಂ

4. ಭೂಕವಚ (Crust) ಮತ್ತು ಮ್ಯಾಂಟಲ್ (Mantle) ಪದರಗಳನ್ನು ಬೇರ್ಪಡಿಸುವ ಸೀಮಾ ವಲಯವನ್ನು ಏನೆಂದು ಕರೆಯುತ್ತಾರೆ? 
A) ಗುಟೆನ್ ಬರ್ಗ್ ಸೀಮಾ ವಲಯ 
B) ಮೆಸೋಸ್ಪಿಯರ್ 
C) ಮೋಹೋರೋವಿಸಿಕ್ (ಮೋಹೋ) ಸೀಮಾ ವಲಯ 
D) ಎಸ್ತನೋಸ್ಪಿಯರ್

5. 'ಅಗ್ನಿ ಶಿಲೆ'ಗಳನ್ನು (Igneous Rocks) ಹೀಗೂ ಕರೆಯುತ್ತಾರೆ: 
A) ದ್ವಿತೀಯ ಶಿಲೆಗಳು         B) ಪದರು ಶಿಲೆಗಳು 
C) ಪ್ರಾಥಮಿಕ ಶಿಲೆಗಳು       D) ಜಲ ಶಿಲೆಗಳು

6. ಸುಣ್ಣದಕಲ್ಲು (Limestone) ಅತಿಯಾದ ಉಷ್ಣ ಮತ್ತು ಒತ್ತಡಕ್ಕೆ ಒಳಗಾಗಿ ರೂಪಾಂತರಗೊಂಡು ಯಾವ ಶಿಲೆಯಾಗಿ ಬದಲಾಗುತ್ತದೆ? 
A) ಅಮೃತ ಶಿಲೆ (Marble) 
B) ನೈಸ್ (Gneiss) 
C) ಸ್ಫಟಿಕ ಶಿಲೆ (Quartzite) 
D) ಗ್ರಫೈಟ್

7. ಈ ಕೆಳಗಿನವುಗಳಲ್ಲಿ ಯಾವುದು ಅಂತಸ್ಸರಣ ಅಗ್ನಿಶಿಲೆಗೆ (Intrusive Igneous Rock) ಉದಾಹರಣೆಯಾಗಿದೆ? 
A) ಬಸಾಲ್ಟ್                 B) ಗ್ರಾನೈಟ್ 
C) ಮರಳುಗಲ್ಲು           D) ಕಲ್ಲಿದ್ದಲು

8. ಮೌಂಟ್ ವೆಸೂವಿಯಸ್, ಫ್ಯೂಜಿಯಾಮ ಮತ್ತು ಕಿಲಿಮಂಜಾರೋ ಇವು ಯಾವ ಬಗೆಯ ಜ್ವಾಲಾಮುಖಿಗಳಿಗೆ ಉದಾಹರಣೆಗಳಾಗಿವೆ? 
A) ಜಾಗೃತ ಜ್ವಾಲಾಮುಖಿ       B) ಲುಪ್ತ ಜ್ವಾಲಾಮುಖಿ 
C) ಸುಪ್ತ ಜ್ವಾಲಾಮುಖಿ          D) ಮೃತ ಜ್ವಾಲಾಮುಖಿ

9. ಭೂಕಂಪದ ಅಲೆಗಳನ್ನು ದಾಖಲಿಸುವ ಉಪಕರಣ ಯಾವುದು? 
A) ಬ್ಯಾರೋಮೀಟರ್           B) ಥರ್ಮಾಮೀಟರ್ 
C) ಸಿಸ್ಮೋಗ್ರಾಫ್                 D) ಲ್ಯಾಕ್ಟೋಮೀಟರ್

10. ಭೂಕಂಪದ ಅಲೆಗಳಲ್ಲಿ ಅತಿ ಹೆಚ್ಚು ವೇಗವಾಗಿ ಚಲಿಸುವ ಮತ್ತು ಮೊದಲು ಹೊರಕೇಂದ್ರವನ್ನು ತಲುಪುವ ಅಲೆಗಳು ಯಾವುವು? 
A) ಪ್ರಾಥಮಿಕ ಅಲೆಗಳು (P-Waves) 
B) ದ್ವಿತೀಯ ಅಲೆಗಳು (S-Waves) 
C) ಮೇಲ್ಮೈ ಅಲೆಗಳು (L-Waves) 
D) ಸುನಾಮಿ ಅಲೆಗಳು

11. ಶಿಲೆಗಳು ಯಾವುದೇ ರಾಸಾಯನಿಕ ಬದಲಾವಣೆಯಾಗದೆ ಕೇವಲ ಒಡೆದು ಚೂರಾಗುವ ಪ್ರಕ್ರಿಯೆಯನ್ನು ಏನೆಂದು ಕರೆಯುತ್ತಾರೆ? 
A) ರಾಸಾಯನಿಕ ಶಿಥಿಲೀಕರಣ 
 B) ಜೈವಿಕ ಶಿಥಿಲೀಕರಣ 
C) ಭೌತಿಕ ಶಿಥಿಲೀಕರಣ 
D) ಉತ್ಕರ್ಷಣ (Oxidation)

12. ನದಿಯು ಸಮುದ್ರವನ್ನು ಸೇರುವ ಮುನ್ನ ತನ್ನ ಮುಖಜ ಭೂಮಿಯಲ್ಲಿ ಸಂಚಯನ ಕಾರ್ಯದಿಂದ ನಿರ್ಮಿಸುವ ಮೈದಾನವನ್ನು ಏನೆಂದು ಕರೆಯುತ್ತಾರೆ? 
A) ಅಳಿವೆ (Estuary)        B) ಮುಖಜ ಭೂಮಿ (Delta) 
C) ಜಲಪಾತ                      D) ವಿ-ಆಕಾರದ ಕಣಿವೆ

13. 'ವಿ' (V) ಆಕಾರದ ಕಣಿವೆಗಳು ಮತ್ತು ಜಲಪಾತಗಳು ನದಿ ಪಾತ್ರದ ಯಾವ ಹಂತದಲ್ಲಿ ನಿರ್ಮಾಣವಾಗುತ್ತವೆ? 
A) ಮೇಲ್ಕಣಿವೆ ಪಾತ್ರ          B) ಮಧ್ಯಕಣಿವೆ ಪಾತ್ರ 
C) ಕೆಳಕಣಿವೆ ಪಾತ್ರ             D) ಮುಖಜ ಭೂಮಿ

14. ಈ ಕೆಳಗಿನವುಗಳಲ್ಲಿ ಯಾವುದು 'ಖಂಡಾಂತರ ಹಿಮನದಿ'ಗೆ (Continental Glacier) ಉದಾಹರಣೆಯಾಗಿದೆ? 
A) ಹಿಮಾಲಯ ಹಿಮನದಿ                 B) ಆಲ್ಪ್ಸ್ ಹಿಮನದಿ 
C) ಗ್ರೀನ್‌ಲ್ಯಾಂಡ್ & ಅಂಟಾರ್ಕ್ಟಿಕ್      D) ರಾಕಿ ಹಿಮನದಿ

15. ಹಿಮನದಿಯ ಸಂಚಯನ ಕಾರ್ಯದಿಂದ ನಿರ್ಮಾಣವಾಗುವ 'ಶಿಲಾನಿಚಯ'ಗಳನ್ನು (Moraines) ಏನೆಂದು ಕರೆಯುತ್ತಾರೆ? 
A) ಡ್ರಮ್ಲಿನ್                     B) ಮೊರೇನ್ 
C) ಫಿಯೋರ್ಡ್                D) ಸರ್ಕ್

16. 'ಸುನಾಮಿ' ಎಂಬ ಪದವು ಯಾವ ಭಾಷೆಯಿಂದ ಬಂದಿದೆ ಮತ್ತು ಅದರ ಅರ್ಥವೇನು? 
A) ಲ್ಯಾಟಿನ್ - ದೊಡ್ಡ ಅಲೆ         B) ಗ್ರೀಕ್ - ಸಮುದ್ರ ಅಲೆ 
C) ಜಪಾನ್ - ಬಂದರು ಅಲೆ       D) ಚೀನಾ - ವಿನಾಶಕಾರಿ ಅಲೆ

17. ಭೂಮಿಯ ಮೇಲೆ ಕೃತಕವಾಗಿ ಕೊರೆದಿರುವ ಅತ್ಯಂತ ಆಳವಾದ ರಂಧ್ರ (12 ಕಿ.ಮೀ) ಯಾವುದು? 
A) ಕೆ.ಜಿ.ಎಫ್ ಗಣಿ (ಭಾರತ) 
B) ಕೋಲಾ ಕೊಳವೆ ರಂಧ್ರ (ರಷ್ಯಾ) 
C) ಟೌಟೋನ ಗಣಿ (ದಕ್ಷಿಣ ಆಫ್ರಿಕಾ) 
D) ಕಿಂಬರ್ಲಿ ಗಣಿ

18. ಕಾರ್ಬನ್ ಯುಕ್ತ ಮಳೆನೀರು ಸುಣ್ಣದಕಲ್ಲುಗಳ ಮೇಲೆ ಬಿದ್ದಾಗ ನಡೆಯುವ ರಾಸಾಯನಿಕ ಪ್ರಕ್ರಿಯೆ ಯಾವುದು? 
A) ಆಕ್ಸಿಡೇಷನ್ (Oxidation) 
B) ಹೈಡ್ರೇಷನ್ 
C) ಕಾರ್ಬೊನೇಷನ್ (Carbonation) 
D) ಸೊಲ್ಯೂಷನ್

19. ಅಂತರ್ಜಲವು ನೈಸರ್ಗಿಕವಾಗಿ ಭೂಮಿಯ ಮೇಲ್ಮೈಗೆ ಚಿಮ್ಮುವುದನ್ನು ಅಥವಾ ಹರಿಯುವುದನ್ನು ಏನೆಂದು ಕರೆಯುತ್ತಾರೆ? 
A) ಬಾವಿ                      B) ಚಿಲುಮೆ (Spring) 
C) ಕೊಳವೆ ಬಾವಿ           D) ಕಾಲುವೆ

20. ಕೆಳಗಿನ ಹೇಳಿಕೆಗಳನ್ನು ಗಮನಿಸಿ: 
ಹೇಳಿಕೆ (A): ಅಗ್ನಿ ಶಿಲೆಗಳನ್ನು 'ಪ್ರಾಥಮಿಕ ಶಿಲೆಗಳು' ಎನ್ನುತ್ತಾರೆ. ಕಾರಣ (R): ಭೂಮಿಯ ಮೇಲೆ ಮೊದಲು ನಿರ್ಮಾಣವಾದ ಶಿಲೆಗಳಿವು. 
A) A ತಪ್ಪು ಮತ್ತು R ಸರಿ. 
B) A ಮತ್ತು R ಎರಡೂ ತಪ್ಪು. 
C) A ಸರಿ ಮತ್ತು R ತಪ್ಪು. 
D) A ಮತ್ತು R ಎರಡೂ ಸರಿ ಮತ್ತು A ಗೆ R ಸರಿಯಾದ ಕಾರಣ.

ಇಲ್ಲಿಗೆ ನಿಮ್ಮ ಅಭ್ಯಾಸ ಮುಗಿಯಿತು, ಉತ್ತರಗಳನ್ನು ನೋಡಲು ಕೆಳಗೆ ಸ್ಕ್ರಾಲ್ ಮಾಡಿ.

---

ಕೀ ಉತ್ತರಗಳು (Key Answers)

1-C | 2-B | 3-B | 4-C | 5-C | 

6-A | 7-B | 8-C | 9-C | 10-A 

11-C | 12-B | 13-A | 14-C | 15-B | 

16-C | 17-B | 18-C | 19-B | 20-D

ಮುಂದಿನ ಅಧ್ಯಾಯ: ಅಧ್ಯಾಯ 13 ಕ್ಕೆ ಇಲ್ಲಿ ಕ್ಲಿಕ್ ಮಾಡಿ.

: ಈ ಪೋಸ್ಟ್ ಅನ್ನು ಶೇರ್ ಮಾಡಿ :